တရုတ်နှစ်သစ်ကူးအထိမ်းအမှတ် စတုဒိသာကျွေးမွေးပြီး ခြင်္သေ့၊နဂါးအကအဖွဲ့များ ကပြဖျော်ဖြေ

ရန်ကုန်မြို့၊ တာမွေမြို့နယ်ရှိ Sky Starဟိုတယ်မှာ ဇန်နဝါရီ၃၁ရက်၊ ညနေပိုင်းက တရုတ်နှစ်သစ်ကူးအထိမ်းအမှတ် စတုဒိသာကျွေးမွေးလှူဒါန်းပြီး ခြင်္သေ့၊နဂါးအကအဖွဲ့တွေက ကပြဖျော်ဖြေခဲ့ကြပါတယ်။

စတုဒိသာကျွေးမွေးလှူဒါန်းပွဲကို Sky Starဟိုတယ်က ကြီးမှူးကျင်းပတာဖြစ်ပြီး စေတနာရှင်တွေလည်းပါဝင် ကျွေးမွေးလှူဒါန်းတာဖြစ်တယ်လို့ ဆိုပါတယ်။စတုဒိသာကျွေးမွေးလှူဒါန်းရာမှာ ထမင်းကြော်၊ ခေါက်ဆွဲကြော်၊ ကြာဆံကြော်၊ ကြာဆံချက်၊ ဆန်ပြုတ်၊ ရွှေရင်အေး၊ ရေခဲမုန့် စတာတွေအပြင် တခြားစားသောက်ဖွယ်ရာ‌တွေကို ကျွေးမွေးလှူဒါန်းတာဖြစ်တယ်လို့ သိရပါတယ်။

စတုဒိသာကျွေးမွေးလှူဒါန်းပွဲကိုလာရောက်သုံးဆောင်ကြသူတွေကိုလည်း တရုတ်ရိုးရာ ခြင်္သေ့၊ နဂါးအကအဖွဲ့‌တွေက အကအလှတွေနဲ့ ကပြဖျော်ဖြေခဲ့ကြတယ်လို့လည်း သိရပါတယ်။