ရုပ်ရှင်လောကသားတွေ၊ ရုပ်ရှင်ဖန်တီးထုတ်လုပ်သူတွေအနေနဲ့ ရိုက်ကူးထုတ်လုပ်ပြသမယ့် ရုပ်ရှင်ဇာတ်ကား တွေ၊ ဇာတ်လမ်းတွဲတွေ၊ ဇာတ်လမ်းတိုတွေ၊ ကြော်ငြာနဲ့ MTV တွေ ဆင်ဆာတင်တဲ့အခါ အသုံးပြုထားတဲ့ တေးသီ ချင်းတွေကို မူပိုင်ခွင့် ခွင့်ပြုချက်ရရှိပြီးဖြစ်ကြောင်း တင်ပြမှသာ ခွင့်ပြုပေးသွားမှာဖြစ်တယ်လို့ မြန်မာနိုင်ငံရုပ်ရှင် အစည်းအရုံးက အသိပေးထုတ်ပြန်ပါတယ်။
တေးသီချင်းမူပိုင်ခွင့်တွေနဲ့ပတ်သက်ပြီး စည်းမျဉ်းလုပ်ထုံးလုပ်နည်း တွေ ပြောင်းလဲထားတဲ့စနစ်အသစ်ကို အခုနှစ် ဩဂုတ်လ(၁၅)ရက်မှာ စတင်ကျင့်သုံးမှာဖြစ်ကြောင်း မြန်မာနိုင်ငံ ဂီတအစည်းအရုံး(ဗဟို)ရဲ့ အကြောင်းကြားစာမိတ္တူကို လက်ခံရရှိခဲ့တယ်လို့ ဆိုပါတယ်။
ဒါ့ကြောင့် ရုပ်ရှင်ဖန်တီး ထုတ်လုပ်သူတွေအနေနဲ့ တေးသီချင်းမူပိုင်ခွင့် ခွင့်ပြုချက်ရယူတဲ့အခါ မြန်မာနိုင်ငံဂီတအစည်းအရုံး(ဗဟို)က ပြောင်းလဲကျင့်သုံးမယ့်စနစ်သစ်နဲ့ ကိုက်ညီမှုရှိစေဖို့အတွက် မြန်မာနိုင်ငံဂီတအစည်းအရုံး(ဗဟို)ကို ဆက်သွယ် အကြံဉာဏ်တောင်းခံပြီးမှ ဆင်ဆာတင်ကြဖို့ကိုလည်း အသိပေးပေးထားပါတယ်။
