တိုင်းဒေသကြီးနဲ့ပြည်နယ်တွေမှာ လူငယ်စင်တာတွေကို ဖွင့်လှစ်ဖို့ စီစဉ်ဆောင်ရွက်နေရာ လတ်တလောမှာ ပထမဆုံး လူငယ်စင်တာတစ်ခုကိုတော့ ရန်ကုန်တိုင်းဒေသကြီးမှာ စတင်ဖွင့်လှစ်လိုက်ပြီလို့ သိရပါတယ်။အဲဒီလူငယ်စင်တာကို ရန်ကုန်တိုင်းဒေသကြီးလူငယ်ရေးရာကော်မတီက သာကေတမြို့နယ်အတွင်းမှာ မတ်လ (၂၃)ရက်နေ့ ကဖွင့်လှစ်ခဲ့တာပါ။
အခုဖွင့်လှစ်လိုက်တဲ့ လူငယ်စင်တာမှာ လူငယ်တွေ အသိပညာရှာမှီးနိုင်ဖို့၊ သတင်းအချက်အလက်တွေ ရှာဖွေနိုင်ဖို့၊ စာပေ၊အနုပညာ၊ပညာပေးဟောပြော ဆွေးနွေးတာတွေ လုပ်နိုင်ဖို့ အတွက် ဖြစ်တယ်လို့ သိရပါတယ်။ အဲဒီစင်တာအတွင်းမှာ စာကြည့်တိုက်၊ အင်တာနက်ခန်းမ၊ အစည်းအဝေးခန်းမ၊ သင်တန်းခန်းမ၊ အနုပညာခန်းမ၊ ဘက်စုံသုံးခန်းမနဲ့ အားကစားခန်းမတွေ ပါဝင်တယ်လို့ သိရပါတယ်။လူငယ်တွေ ဘက်စုံဖွံ့ဖြိုးတိုးတက်ရေးအတွက်ရည်ရွယ်ပြီး အခုလို လူငယ်စင်တာကိုဖွင့်လှစ်တာဖြစ်တယ်လို့ဆိုပါ တယ်။
လူငယ်စင်တာတည်ဆောက်ပြုပြင်တဲ့လုပ်ငန်းနဲ့ တစ်နှစ်တာ လျှပ်စစ်မီးရရှိရေးအတွက်လည်း ရန်ကုန် တိုင်းဒေသကြီးအစိုးရအဖွဲ့က ကုန်ကျငွေကျပ်သိန်းပေါင်း ၄၁၀၀ ကျော်ပေးအပ်ခဲ့ပါတယ်။ လူငယ်စင်တာတွေကို တခြားတိုင်းဒေသကြီးနဲ့ ပြည်နယ်တွေမှာ ဆက်လက်ဖွင့်လှစ်နိုင်ဖို့လည်း စီစဉ်ဆောင် ရွက်သွားမှာဖြစ်တယ်လို့ သိရပါတယ်။
