မြန်မာနိုင်ငံ ဈေးကွက်ဟာ အလွန်ကောင်းမွန်တဲ့ အခြေအနေမှာရှိတယ်လို့ တရုတ်-ကူမင်း-အာဆီယံ အပြည်ပြည် ဆိုင်ရာကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေးအသင်းကြီးရဲ့ Assistant to Association President မစ္စ ကျောက်ရွှေက ပြောပါတယ်။ ကုန်သွယ်ရေးလုပ်ငန်းတွေ ပူးပေါင်းဆောင်ရွက်ဖို့အတွက် မြန်မာနိုင်ငံကို လာရောက်တဲ့ ခရီးစဉ်အတွင်း One News သတင်းဌာနရဲ့ သီးသန့်မေးမြန်းမှုအပေါ် ပြန်လည်ဖြေကြားခဲ့တာပါ။
မြန်မာနိုင်ငံရဲ့ ဒေသတွင်း အစိုးရဌာနအသီးသီးတွေနဲ့ မြန်မာနိုင်ငံရဲ့ ကုန်သွယ်ရေးအသင်းတွေနဲ့ မြန်မာနိုင်ငံရဲ့ အထူးကောင်းမွန်တဲ့ လုပ်ငန်းတွေမှာ ပူးပေါင်းဆောင်ရွက်ဖို့ ဆန္ဒရှိတယ်လို့ မစ္စကျောက်ရွှေက ပြောပါတယ်။မြန်မာနိုင်ငံမှာ အလွန်ကောင်းမွန်တဲ့ အလုပ်သမားနဲ့ မြေယာအရင်းအမြစ်တွေရှိပြီး မြန်မာနိုင်ငံရဲ့ ဖွံ့ဖြိုး တိုးတက်ရေးမှာ ပူးပေါင်းဆောင်ရွက်ဖို့ ရှိတယ်လို့ ဆိုပါတယ်။မြန်မာနိုင်ငံမှာ ရင်းနှီးမြှုပ်နှံမှုနဲ့ ကုန်သွယ်ရေးလုပ်ငန်းတွေ တိုးမြှင့်ဖို့ မျှော်လင့်ပြီးတော့ မြန်မာနိုင်ငံရှိ ဒေသတွင်း ပူးပေါင်းဆောင်ရွက်မယ့် အဖွဲ့အစည်းတွေ၊ အစိုးရဌာနတွေ၊ ပုဂ္ဂလိကလုပ်ငန်းတွေနဲ့ ပူးပေါင်းဆောင်ရွက်ရေး ပရောဂျက်တွေကို အတူတကွ လုပ်ဆောင်ဖို့ မျှော်လင့်ပါကြောင်းကိုလည်း မစ္စကျောက်ရွှေက ပြောပါတယ်။
တရုတ်-ကူမင်း-အာဆီယံ အပြည်ပြည်ဆိုင်ရာ ကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေးအသင်းကြီးရဲ့ အဓိက ရည်ရွယ်ချက်ကတော့ ကူမင်းမြို့ဟာ တရုတ်နိုင်ငံရဲ့ တောင်အာရှနဲ့ အရှေ့တောင်အာရှကို ဖြန့်ကြက်တဲ့ ဗဟို ချက်မ တစ်ခုဖြစ်တဲ့ အားသာချက်ကို အသုံးချဖို့ တရုတ်နဲ့ အရှေ့တောင်အာရှနိုင်ငံတွေအကြား ရင်းနှီးမြှုပ်နှံမှု၊ နည်းပညာ၊ ကုန်သွယ်ရေး စတဲ့ နယ်ပယ်တွေမှာ နက်ရှိုင်းတဲ့ ပူးပေါင်းဆောင်ရွက်မှုတွေ မြှင့်တင်ဖို့ ဖြစ်တယ်လို့ သိရပါတယ်။
