မြန်မာနိုင်ငံကို လာမဲ့မတ်လအတွင်း ကုန်သေတ္တာတင်သင်္ဘော ၅၈ စင်း ဝင်ရောက်ဖို့ရှိတယ်လို့ မြန်မာ့ ဆိပ်ကမ်းအာဏာပိုင်ကနေ သိရပါတယ်။ ဝင်ရောက်လာမဲ့ သင်္ဘောတွေထဲမှာ SITC SHIPPING LINE က သင်္ဘော ၁၃ စင်းနဲ့ အများဆုံးဝင်ရောက်မှာဖြစ်ပြီး COSCO SHIPPING LINE က သင်္ဘော ၉ စင်း၊ SAMUDERA SHIPPING LINE နဲ့ MAERSK A/S သင်္ဘောလိုင်းတွေက ၅ စင်းစီ ဝင်ရောက်လာမှာပါ။
မြန်မာနိုင်ငံကို ပြီးခဲ့တဲ့ ဇန်နဝါရီလက ကုန်သေတ္တာတင်သင်္ဘော ၆၂ စင်းနဲ့ ဖေဖော်ဝါရီလမှာ ၅၃ စင်း ဝင်ရောက်ခဲ့ပါတယ်။
မြန်မာနိုင်ငံအနေနဲ့ ပင်လယ်ရေကြောင်းကတစ်ဆင့် ကုန်သေတ္တာတင်သင်္ဘောတွေနဲ့ အထည်အလိပ် ကုန်ကြမ်း၊ ဆောက်လုပ်ရေးလုပ်ငန်းသုံးပစ္စည်းတွေရဲ့ လုပ်ငန်းသုံးကုန်ပစ္စည်းတွေ တင်သွင်းနေပြီး လယ်ယာထွက်ကုန်၊ ရေထွက်ကုန်နဲ့ သစ်တောထွက်ပစ္စည်းတွေ ပြန်တင်ပို့နေတာ ဖြစ်ပါတယ်။ပြီးခဲ့တဲ့ ၂၀၂၃ ခုနှစ်က မြန်မာနိုင်ငံကို ကုန်သေတ္တာတင်သင်္ဘော ၆၂၉ စင်း ဝင်ရောက်ခဲ့ပြီး ၂၀၂၄ ခုနှစ်ကတော့ ကုန်သေတ္တာတင်သင်္ဘော ၆၃၃ စင်း ဝင်ရောက်ခဲ့ပါတယ်။
