လာမယ့် ၂၀၂၅- ၂၀၂၆ ဘဏ္ဍာနှစ်မှာ ပြည်ပကို ပေါင်းဆန်တန်ချိန် ၃ သိန်း တင်ပို့နိုင်ဖို့ လျာထားတယ်လို့ မြန်မာနိုင်ငံဆန်စပါး အသင်းချုပ်က ထုတ်ပြန်ပါတယ်။မြန်မာနိုင်ငံဆန်စပါးအသင်းချုပ်က ပေါင်းဆန်ထုတ်လုပ်မှုနဲ့ တင်ပို့မှုဖွံ့ဖြိုးတိုးတက်ရေးလုပ်ငန်းညှိနှိုင်းဆွေးနွေးပွဲ ကို မတ်လ ၂၂ ရက်က မြန်မာနိုင်ငံ ကုန်သည်စက်မှုအသင်းချုပ် ( UMFCCI) မှာပြုလုပ်ခဲ့ပါတယ်။
အဲဒီဆွေးနွေးပွဲမှာ ပြည်ပကိုပေါင်းဆန်တင်ပို့နိုင်ဖို့အတွက် ပေါင်းဆန်စက် ၃၀ ကို အဆင့်မြှင့်တင်တာ ၊ လိုအပ်တဲ့ပံ့ ပိုးကူညီမှုတွေဆောင်ရွက်တာ နဲ့ ပေါင်းဆန်ထုတ်လုပ်မှုတိုးတက်ဖို့အတွက် ရေတိုရေရှည်ဆောင်ရွက်ရမယ့်ကိစ္စ တွေကို ညှိနှိုင်းဆွေးနွေးခဲ့ကြပါတယ်။မြန်မာ့ပေါင်းဆန်ကို ရုရှားနိုင်ငံကို တင်ပို့နိုင်ဖို့ နဲ့ ရှရှားကနေ ဓာတ်မြေဩဇာနဲ့ ပိုးသတ်ဆေးဝယ်ယူဖို့အတွက် မြန်မာ နဲ့ ရုရှားနှစ်နိုင်ငံအကြား နားလည်မှုစာချွန်လွှာလက်မှတ် ရေးထိုးထားတယ်လို့ သိရပါတယ်။
ပြည်တွင်းမှာ ပေါင်းဆန်ကို ဆီးချိုဝေဒနာရှင်တွေ အများဆုံး ဝယ်ယူစားသုံးကြတယ်လို့ ဆန်ဈေးကွက်က သိရပါ တယ်။
အခု ၂၀၂၄ – ၂၀၂၅ ဘဏ္ဍာနှစ်မှာ ပြည်ပနိုင်ငံတွေကို ဆန် နဲ့ ဆန်ကွဲ တန်ချိန် ၂ သန်း တင်ပို့ပြီး တင်ပို့မှုကနေ အမေရိကန်ဒေါ်လာ ၁ ဘီလီယံရရှိဖို့ မျှော်မှန်း ထားတယ်လို့ သိရပါတယ်။မြန်မာ့ပို့ကုန်ဆန်တွေရဲ့ အဓိက ဝယ်လက်က ဥရောပဈေးကွက်ဖြစ်ပြီး အာရှနိုင်ငံတွေဖြစ်တဲ့တရုတ် ၊ အင်ဒိုနီးရှား ၊ ဖိလစ်ပိုင်နိုင်ငံတွေကိုလည် တန်ဖိုးမြှင့်ဆန်တွေတင်ပို့ရောင်းချဖို့ ရှိနေတယ်လို့ သိရပါတယ်။
