မြန်မာနိုင်ငံရှိ အသေးစား၊ အငယ်စားနဲ့အလတ်စားစီးပွားရေးလုပ်ငန်း(MSME)တွေအတွက် MSME by G3G Application အသုံးပြုပြီး ပြည်တွင်းထုတ်ကုန်တွေကို အလွယ်တကူ ဝယ်ယူရောင်းချနိုင်တော့မှာ ဖြစ်တယ်လို့ သိရပါတယ်။
အဲဒီ Application နဲ့ ပြည်သူတွေ ပြည်တွင်းထုတ်ကုန်တွေ ဝယ်ယူရောင်းချနိုင်ဖို့အတွက် ဇူလိုင်(၈)ရက်က ရန်ကုန်မြို့ရှိ မြန်မာကွန်ဗင်းရှင်းစင်တာ(MCC)မှာ မိတ်ဆက်ပွဲ ပြုလုပ်ခဲ့ပြီး ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးစိုးသိန်းနဲ့ ဝန်ကြီးတွေ တက်ရောက်ကာ Application ကို တရားဝင် ဖွင့်လှစ်ပေးခဲ့တာပါ။Application ကို MSME လုပ်ငန်းတွေရဲ့ စီးပွားရေးတိုးတက်မှုကို မြှင့်တင်ဖို့၊ Digital နည်းပညာနဲ့ ပြည်တွင်းထုတ် ကုန်တွေကို ပြည်တွင်းသာမက ပြည်ပဈေးကွက်တွေအထိ ထိထိရောက်ရောက် ရောင်းချနိုင်ဖို့ ရည်ရွယ်ချက်နဲ့ ပြုလုပ်ရတာဖြစ်တယ်လို့ သိရပါတယ်။အဲဒီ Application နဲ့ MSME ထုတ်ကုန်တွေကို တစ်စုတစ်စည်းတည်း ရောင်းသူ၊ ဝယ်သူ တိုက်ရိုက်ချိတ်ဆက် နိုင်ပြီး ပစ္စည်းအခြေအနေနဲ့ ထုပ်ပိုးပို့ဆောင်မှုတွေကို ကြည့်ရှုလို့ရကာ ဝယ်လိုတဲ့ရက်တွေကိုလည်း ရွေးချယ်နိုင် တယ်လို့ ဆိုပါတယ်။
အဲဒီ Application ဟာ မြန်မာတစ်နိုင်ငံလုံးရှိ MSME လုပ်ငန်းရှင်တွေအတွက် ဈေးကွက်ချဲ့ထွင်နိုင်ဖို့ အထောက် အကူဖြစ်စေတယ်လို့ MSME လုပ်ငန်းရှင်တွေက ပြောပါတယ်။Application အသုံးပြုမယ့် ပြည်သူတွေအနေနဲ့ App store မှာ MSME by G3G လို့ ရှာဖွေပြီး ဒေါင်းလုပ်ဒ်လုပ်ကာ အကောင့်ဖွင့်တာ၊ ပစ္စည်းရှာဖွေတာ၊ ငွေပေးချေတာနဲ့ ပို့ဆောင်မှုအဆင့်တွေကို အလွယ်တကူ လုပ်ဆောင်နိုင် တယ်လို့ သိရပါတယ်။
