မြန်မာနိုင်ငံဆီစက်ပိုင်ရှင်များအသင်းက သင်္ကြန်အကြို ပြည်တွင်းဆီစက်များ ဈေးရောင်းပွဲတော်အဖြစ် ဧပြီလ ၂ ရက်ကနေ ၅ ရက်အထိ ရန်ကုန်မြိုမှာ မြေပဲဆီတွေ ရောင်းချပေးသွားမယ်လို သိရပါတယ်။ ရန်ကုန်မြို၊ လမ်းမတော်မြိုနယ်၊ မြန်မာနိုင်ငံ ကုန်သည်စက်မှုအသင်းချုပ်(UMFCCI)နဲ့ ရန်ကင်းမြိုနယ်၊ ရန်ရှင်း လမ်းမပေါ်မှာ မြေပဲဆီ၊ နှမ်းဆီနဲ့ နေကြာဆီတွေကို ရောင်းချပေးမှာ ဖြစ်ပါတယ်။
အဲဒီ ဈေးရောင်းပွဲတော်မှာ မြေပဲဆီ၊ နှမ်းဆီနဲ့ နေကြာဆီတွေကို တစ်ပိဿာ ကျပ် ၁၇၀၀၀ နှုန်းနဲ့ ရောင်းချပေးမှာ ဖြစ်ပြီး ဆီပိဿာချိန် အကန့်အသတ်မရှိ ဝယ်ယူခွင့်ပြုမယ်လို သိရပါတယ်။ပြည်ပကနေ တင်သွင်းတဲ့စားသုံးဆီတွေနဲ့ မြေပဲဆီဈေးနှုန်းက အရင်လို ကွာဟမှု သိပ်မရှိတော့တဲ့အတွက် ကျန်းမာရေးနဲ့ ညီညွတ်တဲ့ မြေပဲဆီ၊ နှမ်းဆီ၊ နေကြာဆီ စတာတွေကို ပိုမို စားသုံးစေချင်တဲ့ ရည်ရွယ်ချက်နဲ့ ဈေးရောင်းပွဲတော်တွေ ပြုလုပ်ရောင်းချပေးနေတာ ဖြစ်တယ်လို မြန်မာနိုင်ငံဆီစက် ပိုင်ရှင်များအသင်းရဲ့ ဒုတိယဥက္ကဋ္ဌ ဦးထွန်းထွန်းဦးက ပြောပါတယ်။
လက်ရှိမှာ မှတ်ပုံတင်ထားတဲ့ ဆီစက် ၃ ထောင်ကျော်နဲ့ ကျေးလက်ဒေသမှာ မှတ်ပုံတင်မထားတဲ့ ဆီစက် ၅ ထောင်ကျော်လောက်ရှိနေပြီး ပြည်တွင်းဆီစက် ၈၀ ရာခိုင်နှုန်းလောက် လည်ပတ်နေကာ အဲဒီ ဆီစက်တွေကနေ တစ်လကို မြေပဲဆီ တန်ချိန် ၄ သောင်းလောက် ထုတ်လုပ်နေတယ်လို သိရပါတယ်။
