မြန်မာ့ထောပတ်သီးတွေကို တရုတ်နိုင်ငံ အကောက်ခွန်အထွေထွေအုပ်ချုပ်မှုအာဏာပိုင်အဖွဲ(GACC)ရဲ့သတ်မှတ် ချက်တွေနဲ့အညီ ၂၀၂၆- ၂၀၂၇ ဘဏ္ဍာနှစ် ထောပတ်သီးရာသီမှာ တရားဝင် စတင်တင်ပို့နိုင်ဖို စီစဉ်နေတယ်လို မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ်တင်ပိုရောင်းချသူများအသင်း (ပြင်ဦးလွင်ခရိုင်)က သိရပါတယ်။တရုတ်ကို မြန်မာ့ထောပတ်သီးတရားဝင်တင်ပိုနိုင်ဖိုအတွက် ၂၀၁၉ ခုနှစ်ကတည်းက ဆောင်ရွက်ခဲ့တာဖြစ်ပြီး မဲခေါင်-လန်ချန်း အထူးရန်ပုံငွေ ၂၀၂၂ စီမံကိန်းအရ တရုတ်နိုင်ငံကို G to G စနစ်နဲ့ တင်ပိုနိုင်ဖို စီစဉ်နေတာပါ။
တရုတ်ကို မြန်မာ့ထောပတ်သီးတင်ပိုနိုင်ဖိုအတွက် ထောပတ်ခြံတွေနဲ့ ထောပတ်သီးထုပ်ပိုးစက်ရုံတွေမှာ ပိုးမွှား ကင်းရှင်းအောင် ဆောင်ရွက်နေတဲ့အခြေအနေကို အခုနှစ် အောက်တိုဘာ၊ နိုဝင်ဘာနဲ့ ဒီဇင်ဘာလတွေမှာ ဗီဒီယိုနဲ့ စစ်ဆေးသွားဖို ရှိနေတယ်လို ဆိုပါတယ်။အဲဒီလိုစစ်ဆေးပြီးလို အဆင်ပြေတယ်ဆိုရင် နှစ်နိုင်ငံကုန်သွယ်ဖိုအတွက် လိုအပ်တဲ့ညှိနှိင်းမှုတွေ ဆက်လက် ဆောင်ရွက်ရမယ့်အချိန်က တစ်နှစ်လောက် ကြာနိုင်တာကြောင့် ၂၀၂၆- ၂၀၂၇ ဘဏ္ဍာနှစ်လောက်မှသာ တင်ပို့ နိုင်မယ်လို မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ်တင်ပိုရောင်းချ သူများအသင်း (ပြင်ဦးလွင်ခရိုင်) ဥက္ကဋ္ဌ ဦးမျိုးညွှန့် ကပြောပါတယ်။
တရုတ်ကို G to G စနစ်နဲ့ တရားဝင်တင်ပိုခွင့်ရရှိရင် မြန်မာ့ထောပတ်သီးတင်ပိုတဲ့ဈေးကွက်က ပိုမိုဖွံဖြိုးလာမှာ ဖြစ်ပါတယ်။ လက်ရှိမှာတော့ ကျိုင်းတုံ-တာချီလိတ် နယ်စပ်ကုန်သွယ်ရေးလမ်းကြောင်းကနေ ထိုင်းနိုင်ငံကို ထောပတ်သီး တင်ပိုနေပြီး အခုဘဏ္ဍာနှစ်ထဲမှာ ပြည်ပကို ထောပတ်သီးတန်ချိန် ၁ သောင်းကျော်လောက် တင်ပိုထားတယ်လို သိရပါတယ်။မြန်မာနိုင်ငံမှာ ထောပတ်သီးကို ရှမ်းပြည်နယ်နဲ့မန္တလေးတိုင်းဒေသကြီးမှာ အများဆုံးစိုက်ပျိုးနေပြီး ထောပတ်သီး ပေါ်တဲ့ရာသီချိန်က နှစ်စဉ် နိုဝင်ဘာကနေ ဇန်နဝါရီလအတွင်း ဖြစ်ပါတယ်။ လက်ရှိမှာ စိုက်ပျိုးရေး ဦးစီးဌာန သီးနှံကာကွယ်ရေးဌာနက ထောပတ်ခြံတွေမှာ ပိုးကျတာရှိမရှိ အသေးစိတ် စစ်ဆေးပေးနေပြီး ကာကွယ်ရေး နည်းလမ်းတွေကိုလည်း ပံ့ပိုးပေးနေတယ်လို သိရပါတယ်။
