ပြည်ပကနေ စက်သုံးဆီတွေ စဉ်ဆက်မပြတ် စီမံတင်သွင်းနေတာကြောင့် ပြည်တွင်းစက်သုံးဆီ ဖူလုံမှု အခြေ အနေဟာ နေ့စဉ်သုံးစွဲမှုပမာဏအပြင် အရန်ဆီအနေနဲ့လည်း ရက်သတ္တပတ် ၃ ပတ်စာအထိ ကြိုတင်တင်သွင်း သိုလှောင် ထားရှိထားတယ်လို့ စက်သုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီကနေ သိရပါတယ်။
လက်ရှိမှာ သီလဝါရှိ ဆီချဆိပ်ကမ်းတွေမှာ စက်သုံးဆီ တင်သင်္ဘော(၃)စင်း ဆိုက်ကပ်ချယူနေတာဖြစ်ပြီး လမ်း ခရီးမှာ သင်္ဘော(၇)စင်း၊ ပြည်ပနိုင်ငံမှာ စက်သုံးဆီ တင်ဆောင်နေတဲ့ သင်္ဘော(၄)စင်းနဲ့ စက်သုံးဆီတင်ဖို့ စောင့် ဆိုင်းနေဆဲ (၆)စင်း အပါအဝင် မတ်လအတွင်း သင်္ဘောအစင်း (၃၀)နဲ့ ပြည်ပကနေ စက်သုံးဆီတွေ စဉ်ဆက် မပြတ် တင်သွင်းနေတယ်လို့ ဆိုပါတယ်။ဒါ့ကြောင့် ဒေသအသီးသီးက ပြည်သူတွေ စက်သုံးဆီ ပြတ်လပ်မှုမရှိဘဲ လိုအပ်တဲ့ နေရာတွေမှာ လိုအပ်တဲ့ပမာဏ ကို လွယ်ကူအဆင်ပြေ ချောမွေ့စွာ ဝယ်ယူသုံးစွဲနိုင်ဖို့ ဆောင်ရွက်ထားတယ်လို့ သိရပါတယ်။
ဒါ့ကြောင့် လာမယ့် မဟာသင်္ကြန် ကာလအပါအဝင် အများပြည်သူ ရုံးပိတ်ရက်ရှည်တွေမှာ စက်သုံးဆီတွေကို လိုအပ်တဲ့နေရာမှာ လိုအပ်သလောက် အဆင်ပြေလွယ်ကူ ချောမွေ့စွာ ဝယ်ယူသုံးစွဲနိုင်မှာ ဖြစ်တဲ့အပြင် အခြားလုပ်ငန်းကဏ္ဍတွေမှာလည်း လိုအပ်သလောက် ဝယ်ယူသုံးစွဲနိုင်ကြမှာ ဖြစ်တဲ့အတွက် လုပ်ငန်းတွေ ပုံမှန်လည်ပတ် ဆောင်ရွက်နိုင်ကြမှာ ဖြစ်ပါတယ်။ဒါ့အပြင် စက်သုံးဆီ ဈေးနှုန်းတွေကလည်း မတ်လအတွင်းမှာ ဆက်တိုက်ကျဆင်းနေတာဖြစ်ပြီး အခုအပတ်မှာ လည်း ပြီးခဲ့တဲ့ အပတ်ထက် တစ်လီတာကို ၇၀ ကျပ်ကနေ ၇၅ ကျပ်အထိ ထပ်မံကျဆင်းခဲ့တယ်လို့ သိရပါတယ်။
