မတူညီတဲ့ဒီဂျစ်တယ်ငွေပေးချေမှုအားလုံးနဲ့ အပြန်အလှန်ချိတ်ဆက်အသုံးပြုနိုင်မယ့် အမျိုးသားစံစနစ် MMQR ကို အသုံးပြုပြီး ငွေပေးချေတဲ့လုပ်ငန်းတွေကိုဆောင်ရွက်ဖို့ အကောင်အထည်ဖော်နေတယ်လို့ မြန်မာနိုင်ငံတော်ဗဟိုဘဏ်ကနေ သိရပါတယ်။ဗဟိုဘဏ်ကဖော်ဆောင်နေတဲ့ National Level Standard ဖြစ်တဲ့ Myanmar Quick Response (MMQR) သုံးပြီး မတူညီတဲ့ဒီဂျစ်တယ်ငွေပေးချေမှုတွေကို အပြန်အလှန်ချိတ်ဆက် ပေးချေနိုင်တဲ့ Digital Payment Switch ဆောင်ရွက်နိုင်တာနဲ့ ပတ်သက်ပြီး ဇန်နဝါရီလ ၂၇ ရက်က အသိပညာပေး မိတ်ဆက်ခဲ့ပါတယ်။
MMQR ကို အသုံးပြုရင် Mobile Walletအားလုံးနဲ့ အပြန်အလှန်ချိတ်ဆက်နိုင်မှာဖြစ်ပြီး လုံခြုံမှုစွမ်းရည်ပြည့်ဝတဲ့ ငွေပေးချေမှုစနစ်တစ်ရပ်ပေါ်ပေါက်လာမှာဖြစ်သလို ငွေသားကိုင်ဆောင် သုံးစွဲတာကိုလျှော့ချနိုင်မှာဖြစ်တယ်လို့ ဗဟိုဘဏ်ဥက္ကဌဒေါ်သန်းသန်းဆွေက ပြောပါတယ်။MMQR ကိုသုံးမယ့်လုပ်ငန်းရှင်တွေအနေနဲ့ ကြိုက်နှစ်သက်တဲ့ Wallet တစ်မျိုးကိုသာအသုံးပြုပြီး ကုန်သည်တွေကို ငွေပေးချေနိုင်မှာပါ။
ငွေလက်ခံမယ့်ကုန်သည်တွေဘက်ကလည်း QR မျိုးစုံသုံးစရာမလိုတော့ပဲ MMQR တစ်ခုတည်းနဲ့ Wallet အမျိုးမျိုးကငွေပေးချေတာကို လက်ခံနိုင်မှာ ဖြစ်ပါတယ်။ဒီအပြင် ပြည်ပခရီးသွားတွေအနေနဲ့လည်း MMQR နဲ့ ပြည်တွင်းမှာသုံးစွဲနိုင်ဖို့အတွက် အာဆီယံနိုင်ငံ တွေ၊ ဒေသတွင်းနိုင်ငံတွေနဲ့ ချိတ်ဆက်ဆောင်ရွက်သွားမယ်လို့ သိရပါတယ်။
