မြန်မာနိုင်ငံတော်ဗဟိုဘဏ်က နိုင်ငံခြားငွေကြေးဈေးကွက် (FX Trading Platform)မှာ စက်သုံးဆီလုပ်ငန်းရှင် တွေအတွက် အမေရိကန်ဒေါ်လာ ၃၅ သန်းနဲ့ သွင်းကုန်လုပ်ငန်းရှင်တွေအတွက် တရုတ်ယွမ် ၁၀ သန်း ရောင်းချ ပေးမယ်လို့ မတ်လ ၂၄ ရက်က ထုတ်ပြန်ထားပါတယ်။ဗဟိုဘဏ်အနေနဲ့ နိုင်ငံခြားငွေကြေးတွေကို AD လိုင်စင်ရဘဏ်တွေ ပို့ကုန်/သွင်းကုန်လုပ်ငန်းရှင်တွေ ပါဝင်တဲ့ FX Market Online Trading Platform ကနေ ရောင်းချပေးနေတာဖြစ်တယ်လို့ ဆိုပါတယ်။
မြန်မာနိုင်ငံတော်ဗဟိုဘဏ်အနေနဲ့ နိုင်ငံခြားငွေကြေးဈေးကွက် (FX Trading Platform) မှာ စားသုံးဆီနဲ့ တခြား ကုန်စည်တွေတင်သွင်းတဲ့ လုပ်ငန်းရှင်တွေအတွက် CMP လုပ်ငန်းတွေကို ဝင်ရောက်တဲ့ နိုင်ငံခြားငွေကနေ တစ်ရက်ကို ပျမ်းမျှ အမေရိကန်ဒေါ်လာ ၂ ဒသမ၂ သန်းခန့် နေ့စဉ်ရောင်းချပေးနေတယ်လို့လည်း ထုတ်ပြန်ထား ပါတယ်။
