၅ မိနစ်ကနေ ၈ မိနစ်အတွင်း အားအပြည့်သွင်းနိုင်တဲ့ EV အားသွင်းကွန်ရက်အသစ်ကို တရုတ် BYD ကုမ္ပဏီက မိတ်ဆက်ကြေညာခဲ့ကြောင်း The Telegraph Online သတင်းမှာ ရေးသားထားပါတယ်။ အဲဒီအားသွင်းကွန်ရက် အသစ်ဟာ အဆင့်မြင့်နည်းပညာတွေ ပေါင်းစပ်ထားတာကြောင့် ဖြည့်သွင်းလိုက်တာနဲ့ လျင်မြန်စွာ အားအပြည့် သွင်းနိုင်ပြီး ထူးခြားတဲ့ EV အားသွင်းစနစ်တစ်ခုဖြစ်တယ်လို့ ကုမ္ပဏီက ကြေညာထားပါတယ်။
ကွန်ရက်အသစ်မှာပါဝင်တဲ့ flash-chargers တွေက လောင်စာဆီတိုင်ကီဖြည့်ဖို့အတွက် လိုအပ်တဲ့ အချိန်ပမာဏ အတိုင်း ငါးမိနစ်ကနေ ရှစ်မိနစ်အတွင်း EV ကားတွေအတွက် အားအပြည့်သွင်းနိုင်တယ်လို့ ကုမ္ပဏီပြောရေးဆိုခွင့် ရှိသူတစ်ယောက်က ပြောပါတယ်။ ဒါ့အပြင် တရုတ်နိုင်ငံတစ်ဝန်းမှာ အဲဒီအားသွင်းစခန်းအသစ်ပေါင်း ၄၀၀၀ ကျော် တည်ဆောက်သွားမှာဖြစ်တယ်လို့လည်း ကုမ္ပဏီက ပြောကြားထားပါတယ်။
BYD တည်ထောင်သူက အားသွင်းအမြန်နှုန်းကို မြှင့်တင်ဖို့အတွက် အလွန်မြင့်မားတဲ့ဗို့အားနဲ့ ကြီးမားတဲ့ လျှပ်စီး ကြောင်း ဖြည့်သွင်းပြီး လျှပ်စစ်ကားတွေအတွက် အားအမြန်သွင်းစနစ်ကို အမြန်ဆုံး အကောင်အထည်ဖော်ခဲ့ တာဖြစ်တယ်လို့ ပြောပါတယ်။
