သမ္မတဒေါ်နယ်ထရမ့်လက်ထက်မှာ အမေရိကန်ဒေါ်လာ ၂၁ ဘီလီယံအထိ ရင်းနှီးမြှုပ်နှံမယ့် အစီအစဉ်သစ်ကို Hyundai Motor က ကြေညာခဲ့ကြောင်း Reuters သတင်းမှာ ဖော်ပြထားပါတယ်။ တောင်ကိုရီးယား Hyundai Motor Group ဟာ မတ်လ ၂၄ ရက်က အိမ်ဖြူတော်မှာ သမ္မတထရမ့်ရဲ့ခွင့်ပြုချက်နဲ့ အမေရိကန်မှာ ဒေါ်လာ ဘီလီယံများစွာ ရင်းနှီးမြှုပ်နှံမယ့်အစီစဉ်ကို စတင်ခဲ့တာဖြစ်ပါတယ်။
အဲဒီရင်းနှီးမြှုပ်နှံမှုမှာ ဒေါ်လာ ၅ ဒသမ ၈ ဘီလီယံ တန်ဖိုးရှိတဲ့ စတီးလ်တန်ချိန် ၂ ဒသမ ၇ သန်းကျော် ထုတ်လုပ် မှာဖြစ်ပြီး နှစ်စဉ် စတီးလ်တန်ချိန် ၁,၄၀၀ ကျော်ကို ဖန်တီးထုတ်လုပ်ပေးနိုင်မယ့် စက်ရုံသစ်တစ်ခုလည်း ဖွင့်လှစ် သွားမှာ ဖြစ်ပါတယ်။ အဲဒီစက်ရုံသစ်ကနေ အလာဘားမားနဲ့ ဂျော်ဂျီယာရှိ မော်တော်ကားစက်ရုံတွေကို သံမဏိ တွေ ထောက်ပံ့ပေးဖို့ မျှော်လင့်ထားတယ်လို့လည်း ကုမ္ပဏီ အမှုဆောင်အရာရှိချုပ်က ပြောပါတယ်။
Hyundai Motor Group ဟာ အမေရိကန်ပြည်ထောင်စုမှာ ၂၀၂၈ ခုနှစ်အတွင်း ကားအစီးရေ ၁ သန်းကျော် ထုတ်လုပ်ဖို့ ရည်မှန်းထားပြီး အမေရိကန် ကုမ္ပဏီအများအပြားနဲ့ ဗျူဟာမြောက် ပူးပေါင်းဆောင်ရွက်ဖို့လည်း စီစဉ်ထားတယ်လို့ ကုမ္ပဏီတာဝန်ရှိသူတွေက ပြောကြားထားပါတယ်။
