မြန်မာနိုင်ငံတော်ဗဟိုဘဏ်က နိုင်ငံခြားငွေကြေးဈေးကွက် (FX Trading Platform)မှာ စားသုံးဆီနဲ့တခြား ကုန်စည်တွေတင်သွင်းတဲ့ လုပ်ငန်းရှင်တွေအတွက် CMP လုပ်ငန်းတွေကို ဝင်ရောက်တဲ့ နိုင်ငံခြားငွေကနေ တစ်ရက်ကို ပျမ်းမျှ အမေရိကန်ဒေါ်လာ ၂ ဒသမ၂ သန်းခန့် နေ့စဉ်ရောင်းချပေးနေတယ်လို့ ထုတ်ပြန်ထားပါတယ်။
ဗဟိုဘဏ်အနေနဲ့ AD လိုင်စင်ရဘဏ်တွေ ပို့ကုန်/သွင်းကုန်လုပ်ငန်းရှင်တွေ ပါဝင်တဲ့ FX Market Online Trading Platform ကနေ ရောင်းချပေးနေတာဖြစ်တယ်လို့ ဆိုပါတယ်။
ဒါ့အပြင် မြန်မာနိုင်ငံတော်ဗဟိုဘဏ်က နိုင်ငံခြားငွေကြေးဈေးကွက် (FX Trading Platform) မှာ စက်သုံးဆီ လုပ်ငန်းရှင်တွေကို အမေရိကန်ဒေါ်လာ ၃၃ သန်း ရောင်းချပေးမယ်လို့ မတ်လ ၁၇ ရက် ထုတ်ပြန်ချက်အရ သိရပါတယ်။
