တရုတ်နိုင်ငံမှာ နောက်ဆုံးပေါ် iPhone တွေ ဈေးလျှော့ ရောင်းချဖို့အတွက် Apple က စီစဉ်နေပြီဖြစ်ကြောင်း Reuters သတင်းမှာ ဖော်ပြထားပါတယ်။ တရုတ်မှာရောင်းချနေတဲ့ နောက်ဆုံးထွက် iPhone မော်ဒယ်တွေကို ယွမ် ၅၀၀ (အမေရိကန်ဒေါ်လာ ၆၈ ဒသမ ၅၀) အထိ ဈေးလျှော့ရောင်းချသွားမှာဖြစ်တယ်လို့ သိရပါတယ်။
Huawei တို့လို အခြားပြည်တွင်းပြိုင်ဘက်တွေရဲ့ ပြင်းထန်တဲ့ ပြိုင်ဆိုင်မှု မြင့်တက်လာတာတွေကို ကြိုတင် ကာကွယ်နိုင်ဖို့နဲ့ တရုတ်နိုင်ငံမှာ ရောင်းအားကျဆင်းနေတဲ့ Apple ရဲ့ ရောင်းအားပြန်လည်မြှင့်တင်ဖို့အတွက် ရည်ရွယ်ပြီး အခုလို ဆောင်ရွက်တာ ဖြစ်ပါတယ်။ ဒါဟာ iPhone ကုမ္ပဏီရဲ့ ပထမဆုံး လျှော့ဈေးအများကြီး ချကာ ရောင်းချတာလည်း ဖြစ်ပါတယ်။
ဇန်နဝါရီ ၄ ရက်ကနေ ၇ ရက်အထိ လျှော့ဈေးနဲ့ ရောင်းချပေးမယ့် လေးရက်ကြာ ပရိုမိုးရှင်းအစီစဉ်က သတ်မှတ် ထားတဲ့ ငွေပေးချေမှုနည်းလမ်းတွေကိုသာ အသုံးပြုရမှာဖြစ်တယ်လို့ Apple ကုမ္ပဏီအမှုဆောင်အရာရှိချုပ်က ပြောကြားထားပါတယ်။
