ကုလားပဲပေါ်ချိန် မကွေးမြိုပဲဈေးကွက်မှာတော့ အရင်နှစ်ကထက် ဈေးကျဆင်း နေတယ်လို ပဲမျိုးစုံရောင်းဝယ် ရေး လုပ်ငန်းရှင်တွေက ပြောပါတယ်။ မကွေးတိုင်းဒေသကြီးမှာ ကုလားပဲပေါ်ချိန်ဟာ ဇန်နဝါရီလကုန်ကနေ ဧပြီလလယ်လောက်အထိ ဖြစ်ပါတယ်။အရင်နှစ်က အခုလို ကုလားပဲပေါ်ချိန်မှာ တစ်တင်းကို ကျပ်ရှစ်သောင်းခွဲဝန်းကျင် ဈေးရှိခဲ့ပေမဲ့ အခုနှစ်မှာတော့ ကျပ်ခုနစ်သောင်းခွဲဝန်းကျင်ဈေးသာ ရှိတော့တာပါ။
လက်ရှိ ဈေးကွက်ထဲမှာ စားတော်ပဲတစ်မျိုးကလွဲရင် ကျန်တဲ့ပဲမျိုးစုံဈေးကတော့ ကျပ်တစ်သိန်းအောက် မှာသာရှိနေပါတယ်။ ကုလားပဲဟာ မကွေး၊ စစ်ကိုင်းနဲ့ မန္တလေးတိုင်းဒေသကြီးတွေက အများဆုံးထွက်ရှိပြီး ထွက်ရှိမှုရဲ့ ၈၀ ရာခိုင်နှုန်းကတော့ ပြည်တွင်းမှာ စားသုံးတာဖြစ်တယ်လို သိရပါတယ်။
