မန်ယူနည်းပြတန်ဟတ်က အခုနွေရာသီ အသင်းရဲ့အပြောင်းအရွှေ့လှုပ်ရှားမှုတွေအပေါ် စိတ်ရှည်ပေးဖို့ ဩဂုတ်လ (၂၂)ရက်က တောင်းဆိုသွားခဲ့ပါတယ်။
မန်ယူအသင်းဟာ ရာသီသစ်အတွက် ပြင်ဆင်မှုတွေပြုလုပ်နေပြီး ယိုရို၊ ဇက်ဇီးအပြင် ဒီလစ်ချ်၊ မာဇရာဝီတို့ကို ခေါ်ယူထားခဲ့တာပါ။
အခုအချိန်မှာလည်း မန်ယူအသင်းနဲ့ ပီအက်စ်ဂျီ ကွင်းလယ်လူ အူဂါတေးတို့ရဲ့ အပြောင်းအရွှေ့ သတင်းတွေထွက်ပေါ်နေခဲ့ပေမယ့် မန်ယူနည်းပြတန်ဟတ်က အသင်းရဲ့အပြောင်းအရွှေ့နဲ့ပတ်သက်ပြီး စိတ်ရှည်ကြဖို့ ပြောခဲ့တာဖြစ်ပါတယ်။
အပြောင်းအရွှေ့နဲ့ ပတ်သက်လို့ အခုအချိန်မှာ ပြောလို့မရသေးပေမယ့် အသင်းကအကောင်းဆုံး လုပ်ဆောင်နေတဲ့အတွက် စောင့်ကြည့်ပေးကြဖို့ နည်းပြတန်ဟတ်က ပြောကြားသွားခဲ့ပါတယ်။
မန်ယူအသင်းဟာ အခုရာသီ ဖူဟမ်အသင်းနဲ့ ပရီးမီးယားလိဂ်အဖွင့်ပွဲစဉ်မှာ အနိုင်ရခဲ့သလို လာမယ့်ဩဂုတ်လ(၂၄)ရက်နေ့မှာ ဘရိုက်တန်အသင်းနဲ့ ကစားသွားရမှာ ဖြစ်ပါတယ်။
