စပိန်ကလပ် အက်သလက်တီကိုအသင်းဟာ အခုနွေရာသီအပြောင်းအရွှေ့မှာ ခေါ်ယူခဲ့တဲ့ ကစားသမားသစ်တွေကို ဩဂုတ်လ(၂၁)ရက်နေ့မှာ မိတ်ဆက်ခဲ့ပါတယ်။
အဲဒီမိတ်ဆက်ပွဲကို အက်သလက်တီကိုအသင်းရဲ့ အိမ်ကွင်းဖြစ်တဲ့ မတ်ထရိုပိုလီတာနိုမှာ ပြုလုပ်ခဲ့တာဖြစ်ပြီး ပရိသတ်တွေလည်း တက်ရောက်အားပေးခဲ့ကြပါတယ်။
အက်သလက်တီကိုအသင်းဟာ အခုနွေရာသီအပြောင်းအရွှေ့မှာ မန်စီးတီးအသင်းရဲ့ အာဂျင်တီးနားတိုက်စစ်မှူး အယ်ဗာရက်ဇ်ကို အပိုဆုကြေးအပါအဝင် ပြောင်းရွှေ့ကြေး ယူရို(၉၅)သန်းနဲ့ ခေါ်ယူခဲ့တာပါ။
အက်သလက်တီကိုအသင်းဟာ အခုမိတ်ဆက်ပွဲမှာ အယ်ဗာရက်ဇ်အပါအဝင် ချယ်လ်ဆီးအသင်းကနေခေါ်ယူခဲ့တဲ့ ဂယ်လက်ဟာ၊ ဆိုစီဒက် နောက်ခံလူ နော်မန်နဲ့ ဗီလာရီးရဲလ်တိုက်စစ်မှူး ဆိုလော့တို့ကို မိတ်ဆက်ခဲ့တာဖြစ်ပါတယ်။
လာလီဂါ အဖွင့်ပွဲစဉ် မှာ ဗီလာရီးရဲလ်အသင်းကို (၂)ဂိုးစီ သရေကျခဲ့တဲ့ အက်သလက်တီကိုအသင်းဟာ ပွဲစဉ်-၂ အဖြစ် လာမယ့်ဩဂုတ် လ(၂၆)ရက်နေ့မှာ ဂျီရိုနာအသင်းနဲ့ ကစားသွားရမှာဖြစ်ပါတယ်။
