ဒေါ့မွန်အသင်းနဲ့ စာချုပ်ကုန်ဆုံးပြီးနောက် အသင်းလက်မဲ့ဖြစ်နေခဲ့တဲ့ ဂျာမန်တိုက်စစ်ကစားသမား မာကိုရုစ်ကို မေဂျာလိဂ်ကလပ် လော့စ်အန်ဂျလိစ်အသင်းက ခေါ်ယူဖို့အတွက် သဘောတူညီမှုရခဲ့ပြီလို့ သတင်းတွေက ဖော်ပြ လာခဲ့ကြပါတယ်။
မာကိုရုစ်ဟာ ဒေါ့မွန်အသင်းနဲ့ စာချုပ်သက်တမ်းကုန်ဆုံးပြီးနောက် ဥရောပဘောလုံးလောကကို စွန့်ခွာဖို့ ဆုံးဖြတ်ခဲ့ပြီး အခုအချိန်မှာတော့ လော့စ်အန်ဂျလိစ်အသင်းက ခေါ်ယူဖို့ လုပ်ဆောင်နေခဲ့တာပါ။
အသက် (၃၅)နှစ်အရွယ်ရှိနေပြီဖြစ်တဲ့ မာကိုရုစ်ကို လော့စ်အန်ဂျလိစ်အသင်းက (၂၀၂၅)ခုနှစ်အထိ (၁၈)လစာချုပ် ချုပ်ဆို ခဲ့တာဖြစ်ပြီး ကြိုက်နှစ်သက်တယ်ဆိုရင် နောက်ထပ်(၁)နှစ် သက်တမ်းတိုးခွင့်ကိုလည်း ထည့်သွင်းခဲ့တယ်လို့ သိရပါတယ်။
မာကိုရုစ်ဟာ ဒေါ့မွန်အသင်းမှာ (၁၂)ရာသီကြာကစားခဲ့တဲ့ အချိန်အတွင်း အသင်းအတွက် ပြိုင်ပွဲစုံ (၄၂၉)ပွဲမှာ (၁၇၀)ဂိုးသွင်းယူကာ (၁၃၁)ဂိုး ဖန်တီးနိုင်ခဲ့ပါတယ်။
