NBA ဘတ်စကက်ဘော ဂန္ထဝင်ကစားသမားတွေဖြစ်ကြတဲ့ မိုက်ကယ်ဂျော်ဒန်နဲ့ ကိုဘီဘရိုင်ယန်တို့ လက်မှတ် ပါတဲ့ ဘတ်စကက်ဘောကတ်ကို လေလံတင်ရာမှာ အမည်မဖော်လိုသူတစ်ယောက် ပေါင် ၉ သန်းခွဲနဲ့ ဝယ်သွား ပါတယ်။

ဒါဟာ အားကစားလောကရဲ့ အမှတ်တရကတ်တွေ ရောင်းချရမှုထဲ စံချိန်တင်ဈေးလည်းဖြစ်ပါတယ်။ အမေရိကန်နိုင်ငံမှာ ကျင်းပခဲ့တဲ့ Heritage Auctions မှာ ဒီကတ်ကို လေလံတင်ရောင်းချခဲ့တာဖြစ်ပြီး ဒီကတ်ဟာ အရင်ပိုင်ရှင်လက်ထဲမှာ ဆယ်စုနှစ်တစ်ခုကျော်ကြာမြင့်ခဲ့ပြီးနောက် ပေါင် ၄ သန်းကျော်ရဖို့ မျှော်လင့်ချက်နဲ့ အခုလိုလေလံတင်လိုက်တာဖြစ်ပါတယ်။ ဒါပေမယ့် လေလံပွဲမှာ စုစုပေါင်း လေလံ ၈၂ ခုအထိ လက်ခံရရှိခဲ့ပြီး မူလမျှော်လင့်ထားတဲ့ ဈေးရဲ့ ၂ ဆကျော်နဲ့ ရောင်းချလိုက်ရတာဖြစ်ပါတယ်။

အခုရောင်းချရမှုဟာ ၂၀၂၂ ခုနှစ် တုန်းက ပေါင် ၉ ဒသမ ၃ သန်းနဲ့ ရောင်းချခဲ့ရတဲ့ မေဂျာလိဂ်ဘေ့စ်ဘောကစားသမား မစ်ကီမန်တဲလ်ရဲ့ ကတ်ကို ကျော်ဖြတ်ပြီး ဈေးအများဆုံးဖြစ်ခဲ့တာပါ။ ဂျော်ဒန်-ဘရိုင်ယန် ကတ်ဟာ အားကစားပစ္စည်း လေလံရောင်းချမှု သမိုင်းမှာတော့ ဒုတိယဈေးအကြီးဆူံးဖြစ်ခဲ့ပြီး ၂၀၂၄ ဩဂုတ်လမှာ ပေါင် ၁၈ ဒဿမ ၁ သန်းနဲ့ ရောင်းချခဲ့ရတဲ့ အမေရိကန်ဘေ့စ်ဘော ဂန္ထဝင် ဘာဘီရုသ်ရဲ့ ဂျာစီက ဈေးအကြီးဆုံးဖြစ်နေပါတယ်။

Please leave this field empty

သတင်းများကို ‌နေ့စဥ် အီမေးလ်သို့ ရယူဖတ်ရှုနိုင်ရန် မှတ်ပုံတင်ထားပါ!

We don’t spam! Read our privacy policy for more info.

Check your inbox or spam folder to confirm your subscription.