ပြင်သစ်ရပ်ဂ်ဘီါအသင်းခေါင်းဆောင် ဒူပွန့်ဟာ စနေနေ့က ကစားခဲ့တဲ့ အိုင်ယာလန်အသင်းနဲ့ ၆ နိုင်ငံဖလားပွဲမှာ ဒူးအရွတ်ဒဏ်ရာ ရရှိခဲ့တယ်လို့ သိရပါတယ်။ အသက် ၂၈ နှစ်အရွယ် ဒူပွန့်ဟာ ပွဲချိန်ပထမပိုင်းမှာ အိုင်ယာလန် ကစားသမား ဘာနီနဲ့ ထိခိုက်မိပြီးနောက် ဒူးအရွတ်ဒဏ်ရာကို ရရှိခဲ့တာဖြစ်ပါတယ်။
ပြင်သစ်အသင်းဟာ လာမယ့် မတ်လ ၁၆ ရက်နေ့မှာ ၆ နိုင်ငံဖလား နောက်ဆုံးပွဲအဖြစ် စကော့တလန်အသင်းနဲ့ ကစားရဖို့ ရှိနေတာဖြစ်ပါတယ်။ အသင်းရဲ့နောက်ဆုံးပွဲစဉ်မှာ အသင်းဖော်တွေကို ကူညီခွင့်မရတာက ဒူးဒဏ်ရာထက်တောင် နာကျင်ရပါတယ်လို့ ဒူပွန့်က အင်စတာဂရမ်မှာ ရေးသားထားခဲ့ပါတယ်။ အသေးစိတ်ဆေးစစ်တာတွေအပြီးမှာ ဒူပွန့်ရဲ့ ဒူးအရွတ်ထိခိုက် သွားခဲ့တာဖြစ်ပြီး လအနည်းငယ်အကြာ အနားယူရမှာဖြစ်တယ်လို့ သိရပါတယ်။
ပြင်သစ်အသင်းနည်းပြကတော့ ဒူပွန့် ဒဏ်ရာရစေတဲ့အထိ ပြစ်ဒဏ်ကျူးလွန်ခံရမှုအပေါ် စိတ်ပျက်နေပြီး ပြိုင်ပွဲတာဝန်ရှိသူတွေရဲ့ အရေးယူခြင်း မရှိခဲ့မှုအပေါ် ဒေါသထွက်ရတယ်လို့ ပြောသွားခဲ့ပါတယ်။ စနေနေ့က အိုင်ယာလန်အသင်းကို အနိုင်ရခဲ့မှုကြောင့် ပြင်သစ်အသင်းဟာ ၆ နိုင်ငံဖလား အမှတ်ပေးဇယားထိပ်ဆုံးမှာ ရပ်တည်နိုင်ခဲ့ပြီး ၂၀၂၂ နောက်ပိုင်း ချန်ပီယံဆုကို ပြန်လည်ရယူနိုင်ဖို့ အခြေအနေကောင်းသွားခဲ့ပါတယ်။
