ကြွက်သားဒဏ်ရာကြောင့် တောင်ပံကစားသမား နွာနီရီဟာ ရက်သတ္တပတ်အနည်းငယ် အနားယူရမှာ ဖြစ်တယ် လို့ အာဆင်နယ်အသင်းနည်းပြ အာတီတာက အတည်ပြုခဲ့ပါတယ်။ အသက် ၁၉ နှစ်အရွယ် နွာနီရီဟာ ဘရိုက် တန်အသင်းနဲ့ပွဲမှာ အသင်းအတွက် ဦးဆောင်ဂိုးကို သွင်းယူခဲ့ပြီးနောက် ဒဏ်ရာရခဲ့လို့ ပထမပိုင်းအပြီးမှာ မာတင်နယ်လီနဲ့ လူးစားလဲလိုက်ရတာဖြစ်ပါတယ်။
ဘရိုက်တန်အသင်းနဲ့ပွဲမတိုင်ခင် ၃ ရက်အလိုမှာ ကစားခဲ့တဲ့ ဘရန်ဖို့ဒ်အသင်းနဲ့ပွဲမှာ ကစားသမားဘဝ ပထမဆုံး ပရီးမီးယားလိဂ်ပွဲထွက်ခွင့်ကိုရခဲ့တဲ့ နွာနီရီဟာ အာဆင်နယ် အသင်းရဲ့ ညာတောင်ပံတိုက်စစ်မှာ ခြေစွမ်းပြနိုင်ခဲ့သူ ဖြစ်ပါတယ်။ ဒဏ်ရာကြောင့် ဆာကာအနားယူ နေရချိန်မှာ အသက် ၁၉ နှစ်အရွယ် နွာနီရီက ခြေစွမ်းပြနိုင်ခဲ့လို့ အာဆင်နယ်ပရိသတ်တွေ စိတ်အေးရချိန်မှာ နွာနီရီရဲ့ ဒဏ်ရာသတင်းက စိတ်ပျက်စရာဖြစ်သွားခဲ့ပါတယ်။
နည်းပြ အာတီတာကတော့ နွာနီရီရဲ့ ဒဏ်ရာသတင်းက စိတ်ပျက်စရာဖြစ်ပေမဲ့ အသင်းကိုအကောင်းဆုံးဖြစ်အောင် တည်ဆောက်သွားနိုင်မယ်လို့ ယုံကြည်ကြောင်း ပြောကြားထားပါတယ်။အာဆင်နယ်ရဲ့တောင်ပံတိုက်စစ်မှာ စတာလင်းကလည်း ဒဏ်ရာကြောင့်နားနေရပြီး နည်းပြ အာတီတာကတော့ စတာလင်အနေနဲ့ အမြန်ဆုံးပြန်ကစားနိုင်ဖို့ မျှော်လင့်ထားတယ်လို့ ဆိုပါတယ်။
