စစ်ကိုင်းတိုင်းဒေသကြီး၊ မုံရွာမြို၊ စက်မှုဇုန်ရပ်ကွက်၊ စွယ်တော်လမ်းရှိ ဂွမ်းဖတ်ကြိတ်စက်ရုံမှာ ဒီဇင်ဘာ ၂ ရက် မနက်အစောပိုင်း ၁ နာရီကျော်လောက်က မီးလောင်မှုဖြစ်ပွားခဲ့ပါတယ်။ ဖြစ်စဉ်မှာ ဂွမ်းဖတ်ကြိတ်စက် လည်ပတ် နေစဥ် ကျောက်ခဲညပ်ပြီး မီးပွင့်ရာက မီးစတင်လောင်ကျွမ်းတာဖြစ်တာလို့သိရပါတယ်။ အဲဒီမီးလောင်မှုဖြစ်ပွားရာ နေရာကို မုံရွာခရိုင်မီးသတ်ဦးစီးမှူးဦးဆောင်တဲ့ မီးသတ်တပ်ဖွဲ့ဝင်တွေက မီးငြှိမ်းသတ် ယာဥ် ၄ စီး၊ ရေသယ်ယာဥ် ၆ စီးတို့နဲ့ သွားရောက်ငြှိမ်းသတ်ခဲ့ကြပါတယ်။
မီးလောင်မှုကြောင့် အဝတ်ဖြတ်စ ဂိုဒေါင်တစ်လုံး၊ ဂွမ်းဖြတ် စက်တစ်လုံးနဲ့ အဝတ်ဖြတ်စ ပိဿာ ၃၀၀၀ ကျော် လောက်မီးလောင်ဆုံးရှုံးခဲ့ရတယ်လို့ မုံရွာခရိုင်မီးသတ်ဌာနရဲ့ ထုတ်ပြန်ချက်မှာ ဖော်ပြထားပါတယ်။ မီးလောင်မှု ဖြစ်စဉ်နဲ့ပတ်သက်လို့ မုံရွာမြို့ နယ်မြေရဲစခန်းက အမှုဖွင့် အရေးယူဆောင်ရွက်နေတယ်လို့ သိရပါတယ်။
