ရီးရဲလ်မက်ဒရစ်အသင်းရဲ့နည်းပြ အန်ဆလော့တီက အသင်းရဲ့တိုက်စစ်မှူး အမ်ဘာပေကို အသင်းအတွက် အခု ထက်ပိုပြီး ဂိုးတွေသွင်းယူပေးဖို့ကိုသာ အာရုံစိုက်ထားဖို့လိုတယ်လို့ ပြောကြားခဲ့ပါတယ်။
နည်းပြအန်ဆလော့တီက အမ်ဘာပေကို အသင်းရဲ့တိုက်စစ်မှူးဟောင်း ဘန်ဇီးမား ကစားခဲ့သလိုမျိုး ကစားဖို့ကိုသာ ပိုပြီးအလိုရှိနေခဲ့တာပါ။ သွင်းဂိုးတွေကို သွင်းယူပေးဖို့ဆိုတာက တိုက်စစ်မှူးတွေရဲ့ အဓိကတာဝန်ဖြစ်တာကြောင့် အမ်ဘာပေကိုလည်း အသင်းအတွက် အခုထက်ပိုပြီး ဂိုးတွေသွင်းယူပေးဖို့ အလိုရှိတယ်လို့ နည်းပြအန်ဆလော့တီက ပြောပါတယ်။
အမ်ဘာပေကို ရီးရဲလ်မက်ဒရစ်အသင်းမှာ ဘန်ဇီမာ ကစားပေးခဲ့သလိုမျိုး ကစားပေးဖို့အတွက် အကြံပေးခဲ့သလို သူ့ဆီကနေ သွင်းဂိုးတွေကို အခုထက်ပိုပြီး မျှော်လင့်မိတယ်လို့ နည်းပြအန်ဆလော့တီက ဆက်လက်ပြောကြားခဲ့ပါတယ်။
အမ်ဘာပေဟာ အခုဘောလုံးရာသီမှာမှ ရီးရဲလ်မက်ဒရစ်အသင်းကို ရောက်လာခဲ့တာဖြစ်ပေမယ့်လည်း အသင်းအတွက် ပြိုင်ပွဲစုံ(၁၂)ပွဲကစားပြီးချိန်မှာ (၈)ဂိုးထိသွင်းယူပေးနိုင်ခဲ့ပါတယ်။
